شروط الهجره الى كندا

عدد الرسائل : 22 تاريخ التسجيل : 15/01/2008

تدري لو سالوني عنك
افتح عيوني وراوي
الناس رسمك
ياكحل عين العروس
لِصف عسجد ماي عينك
ويلّي خلكك سندلوس
تنضح آهاتك عطر كلما افركك
ويا عُمر كل السوالف
على النايل نججي قصتَك
سولفِت للكمرة سالوفة عشكنة
راحت الكمرة تريد
اتشوف ضيَك
سولفِت للماي قصة سلسبيلك
عطَّش جروف الجزيرة
وشرب مايك
وسولفِت للصيف
عن كرصت جحيلك
راد مني الليل ادليه اعلى دربك
ياعشك ديرة وأهلهه
ميمر انتة
او رِكصَت الترفة اعلى حِسَك
ياترف ريحك شمالي
او لو جواني الكيظ اجحِّل من اذكرك
ودفة ياطير السعد لو لفلفتني
بريش جنحك
وبقة احبك......
وبقة اسولف عن دَلالك
وبقة اسولف للطيور شلون
جان العيد يطلب رخصة منّك
وبقة احبك...
حلو واسمر ...
والليالي تريد وَّدك
ذهب اصفر...
وبشذر طرزِت شعرك
ياطعم مايع وبسماتك عنج
انتة دهلة وانتشة العنبر ابفيَّك
وبقة احبك ....
نعِسَت روحي ابغرور الكاس
وبصوت الربابة بليل كحلك
وبقة احبك...
يادللول المحَنَة
مايعاودني الوسن
ألا انه اسمعك
وبقة احبك ....
يلَي رصَّعت التمايم والجناغ
ابصافي حسنك
يالربيت بروض جنة
ويا عذب جمَار طعمك
ياصديقي امن الطفولة
رخصت عمري الك
يالما أثمنك
ياعشك غبشة وندى
وكل كطرة منك تحيي
وردات الحديقة بحيل صبحك
يافرح كلمة هلا..
ويا كليط اهل الحِسِن
بالك اترجع اليكصدك
ويا دوة ايطيب الجرح
ونتة تدري بيا سبب
آني اعتنينك
ويا محطة وريل ما يتفاركن
وبتراتيك الغريب ابلهفة جيتك
ياعشك قيس او ية ليلى
وبمجون الشعر ياحب دوريتك
ويا مواسم للترافة
تطك صندّل لو سكيتك
يا أمل انتة و رِبِح
ماني ندمان ابحياتي
والندم يوم الاخسرك
يا شهي ابكل شِبِر منك
وآني مو بطران بس حيل اشتهيتك
يا لغز محتار بيك
و مامش ابنادم يحلَك....
وبقة احبك ...
وخلهُم ايسألوني عنك
ما أجاوبهم ابكلمة
ولا أطوَِل زين شرحك
خلهم ايشوفون كلبي
او من زغرنة يدفك وية دمك
وبقة احبك....
يا ورد جوري او بُخيت
اللي يشم نفحات عطرك
وبقة احبك....
وبقة اسميك الثريّا
وماكو ليله اتمر علينة
بلاية نجمك
وبقة احبك ....
مثل ماحِب القصيدة
او نشوة من اسهر ابوزنك
يل نمت بحضان روحي
وكفت دكات كلبي
و خفِت من الدك يكعدك
يا غزل دجلة و جزرهه
وشوكها الماي الفرات
ويا مليح ابفيض طولك
يا شهيل العين
وعيون الطفل من غبشة
حطَّن ضيف عندك
ويا كحيل بلاية كمرة
سيرّت نجمة صبحنة
او فتَّش الليل اوية طرفك
وبقة احبك .....
ونتة سر محتار بيك
وحار فكري وما حزرتك
كتلي احبك .....
وآني ما سامع ابد كلمة احبك
كتلي اودك ....
و مادريت انتة التوّد
لو اني اوَدّك
كتلي كل ليلة اشوفك ...
وآني عاميني العشك
يل ما اشوفك
كتلي بالنسمات اجيسك...
ونتة بس تلمس جسد
والروح من يوم الولادة
اتطوف يمك
وبقة احبك .........